Nafarroako Fusilatuen Senitartekoen Elkartea NAFSE-1936-AFFNA hirugarren aldiz antolatu du Pirinioetako bi aldeetako memoria-elkarteak biltzen dituen hitzordu bat, memoriak eta elkarte-mugimenduak gaur egungo munduaren erronken aurrean duten eginkizunari buruz hausnartzeko, honako goiburu honekin:
«Memoria historikoaren eta demokratikoaren zeregina gaur egungo munduan»
Iruñeak Memoria Historiko, Demokratiko eta Antifaxistaren Mugaz Gaindiko XV. Topaketak hartuko ditu urriaren 2, 3 eta 4an. Aurten hamabosgarren edizioa izango du, eta Pirinioen bi aldeetako elkarte eta kolektibo memorialistak bilduko ditu Nafarroan.
AFFNA36 Nafarroako Fusilatuen Senitartekoen Elkartearentzat, edizio honek esanahi berezia du gainera, elkarteak Topaketen antolaketa bere gain hartzen duen hirugarren aldia izango baita. Abian jarri eta hamabost ediziora, ekimen hau hainbat lurralde eta esperientziatatik memoria historiko, demokratiko eta antifaxistarekiko konpromisoa partekatzen duten erakundeen arteko topaketa, truke eta hausnarketarako gune egonkor bihurtu da.
XV. Topaketak, gainera, gaur egun bereziki beharrezkoa den galdera baten inguruan planteatzen dira: elkarte memorialistek eta oroimenak berak gaur egungo munduan izan behar duten zeregina.
Oroimena ez da soilik iraganari begiratzea. Hainbat hamarkadatan elkarteek egindako lanari esker, historiak berreskuratu dira, biktimak aurkitu dira, haien duintasuna aldarrikatu da eta gizarteari transmititu zaio denbora luzez isilean egon zen historiaren zati bat. Baina lan horrek erronka berriak ere planteatzen ditu: belaunaldien arteko erreleboa nola bermatu, gazteengana nola iritsi, memoria komunikatzeko eta zabaltzeko zer tresna erabili eta balio demokratikoak zalantzan jartzen edo hutsaltzen dituzten eskuin muturreko diskurtsoen aurrerapenaren aurrean nola erantzun.
Planteamendu horrekin, eztabaida, hausnarketa, dibulgazioa, kultura eta parte-hartzea uztartzen dituen programa bat diseinatu da, parte hartzen duten erakundeen artean esperientziak partekatzeko eta mugimendu memorialistaren erronka nagusietako batzuei kolektiboki heltzeko aukera emango duena.
Izen ematea esteka honetan:
BORRERUAK BADITU MILAKA AURPEGI / KONTRAINFO ANTIFA (Euskal Herria) 
Deja un comentario