BORRERUAK BADITU MILAKA AURPEGI / KONTRAINFO ANTIFA (Euskal Herria)

Basaburuko Ahaztua, Nafarroa * E.H 

Basaburuko Ahaztua-tik, nahiz eta gezur, isilune eta beldurrek urtetan zehar nagusitu diren, gure historiaren zati bat ezagutzeko lanarekin jarraitzen dugu.

Horregatik, Gurseko kontzentrazio-esparruraino bidaia antolatu dugu (Zuberoatik kilometro gutxira), lehen pertsonan konta diezaguten zer esan nahi zuen horrek.

Gurseko eremua, «euskaldunen eremua» bezala ere ezaguna, Bigarren Mundu Gerran Frantzian barneratzeko esparru nagusietako bat izan zen. Hara milaka errefuxiatu bidali zituzten, horien artean Gerra Zibiletik ihesi zihoazen euskal herritar asko eta haien artean gure bailaretako hainbat herritar. Harrera-gune bat izatea nahi zen, baina giltzapetu, sufritu eta heriotzaren ataria bilakatu zen.

Josu Txuekak, «Gurs, el campo Vasco» liburuaren egileak esaten digun bezala, ez dago soberan gure historiaren zati hau ezagutzea eta gogoratzea. Kontinente europarra, Melillatik Calaisera edo Dover-era, Kiosetik Hendaiara, errefuxiatu-esparruz eta Atxikitze Administratiborako Zentroz, espetxe-ontziz, nazioarteko mugetako poliziaz (Frontex) beteta dago. 1939-1940koak bezalako eufemismoekin, errefuxiatuei eta migratzaileei giza eskubideak ukatzeko politikak estaltzen dituztenak, zirkulazio askea eragotziz, atxilotuz, deportatuz edo Mediterraneoko Mare Mortuum, Egeo, Ipar Itsasoan… hiltzen utziz. 1939ko lotsa-eremuek, zoritxarrez, heriotza eta ignominia oihartzuna izaten jarraitzen dute 2026ko Europan. 

Etortzera animatzen zaituztegu, oroitzapen eta omenaldi zirraragarri honetan partaide izatera.